النهاردة هنتكلم عن موضوع لاحظنا إن مستخدمين كتير محتاجين يعرفوا عنه 🤖 .. وهو ⬅️ نقدر نستخدم فيزا المرتب في إيه غير السحب الكاش ؟
مبدأيا بطاقات المرتب 
ممكن تكون نوع من 2 “بطاقات الخصم” أو “البطاقات المدفوعة مقدما”
أما فيزا فهي الشركة المُصدرة للبطاقات وفي شركتين كمان بيُصدروا بطاقات المرتب وهما “ماستركارد وميزة” 
استخدامات بطاقة المرتب :
تقدر تربطها بالكريديت كارد لو معاك وتدفع بيها الأقساط وتسدد المديونية من مكانك 
تقدر تديرها وتنفذ أي عملية لما تنزل تطبيق الانترنت البنكي / الأونلاين بانكنج الخاص بالبنك بتاعك وتستفيد بخدمات زي التحويل بين الحسابات ودفع الفواتير وغيرهم 
بالاضافه إنك هتقدر تعرف الرصيد إللي صرفته و الرصيد المُتبقي 
التسوق والدفع عن طريق الانترنت 
ودي في بنوك بتفعلها لبطاقات المرتب وبنوك تانيه لأ!
تقدر كمان تربطها بالمحفظة الإلكترونية
والمحفظة الإلكترونية : عبارة عن تطبيق بيكون موجود علي موبايلك 
بديل للمحفظة اللي في جيبك ،
بيقدملك مجموعة متنوعة من خدمات الدفع تسهل عليك معاملاتك المالية اليومية 
من مكانك زي انك (تحول وتستقبل فلوس ، تدفع فواتير ، تسحب كاش وتشتري أونلاين 
…)
واخيرا تقدر تشتري من أي مكان أو هايبر ماركت بيقبل الدفع الإلكتروني بدل ما تدفع كاش وده أأمن ليك
أنا سالي : أول مساعد مالي افتراضي خاص ببطاقات الائتمان في مصر
تقدر تسألني أي سؤال عن بطاقات الائتمان ، تفاصيل عن بطاقة بنك معين أو لو تحب أرشحلك أنسب بطاقة تناسب احتياجاتك من اللينك
