ليه محتاج تبطل تتعامل بالكاش

زمان اللي كان عنده حساب في البنك أو بيستخدم طرق دفع الكترونية كنا بنقول ده أكيد معاه فلوس كتير .. انما أنا هحتاج بنك ليه ؟ 😏
بس دلوقتي اتجاهك للبنوك  مبقاش ليه علاقة بحجم الفلوس اللي معاك ولكن بقي اتجاه عام للبلد واسلوب حياه لإنه بيسهل وينجز خدمات كتير بوقت ومجهوج أقل وكمان أرخص👍

وعشان كده في المقال ده هكلمك عن التغييرات اللي بتحصل كل يوم (اللي ممكن متكونش واخد بالك منها) وليه محتاج تبطل تتعامل كاش وتستبدله بحلول بنكية ✅

1️⃣ اتجاه الدولة للشمول المالي واللي من أهدافه تقليل استخدام الكاش تدريجيا لحد ما يبقي الاعتماد الكلي علي منتجات بنكية وحلول الكترونية 🚀
اعرف أكتر عن الشمول المالي من هنا

2️⃣ الكاش مش أمان أبدا ⚠️ ومُعرض للسرقة أو الضياع في أي وقت مهما كنت وأخد احتياطات

3️⃣ الكاش بيعدي علي أيادي كتير، فبيئة سهله لنقل أي عدوي 😷

4️⃣ البنك المركزي  بدأ يحط قيود علي استخدام الكاش ، وأشهر مثال كان وقت إصدار شهادات ال 15 ٪ 📑 لما البنوك اعلنت إنها مش هتقبل ايداع كاش وإن طرق الشراء هتكون إما أونلاين عن طريق الموقع أو تحويل بنكي ↪️

5️⃣ قيود علي السحب والإيداع 🔗 فمبقتش تقدر تسحب أو تعمل ايداع لأي مبلغ إنت عاوزه

6️⃣ الشراء أونلاين 🛒

7️⃣ لو بتشتري من أي مكان باستخدام بطاقة بنكيه أو خدمة الدفع بالموبايل 📲 هتدفع المبلغ بالظبط 👌 من غير ما تضطر تدخل في دوامة مفيش فكه يا فندم وتدفع أكتر أو تتعطل

8️⃣ هتقدر تدفع أي فواتير من مكانك 🛀 عن طريق موبايلك ، أما لو فلوسك كاش فهتضطر تنزل

9️⃣ لو بتحوش كاش 💸 فالقيمة الشرائية للمبلغ بتقل بعد مرور فترة نتيجة للتضخم وعوامل تانيه 🥺 وعشان كده الأفضل تشيلهم في حساب توفير أو وعاء ادخاري ( شهادة / وديعة)

الأسباب لسه مكمله … 🚶‍♀️ والصح دلوقتي انك تفكر إزاي تبدأ تقلل الكاش وتستبدله بمنتجات بنكية 🏦
وحاليا البنوك بتقدم تسهيلات كتير ✨ عشان تشجع علي الفكرة منها 👈 منتجات بنكية مجانيه زي المحفظة الإلكترونية والبطاقات المدفوعة مقدما أوحسابات بدون مصاريف إصدار أو حد أدني ضمن مبادرات مميزة زي مبادرة يوم الشمول المالي للشباب 💪

أنا سالي : أول مساعد مالي افتراضي خاص ببطاقات الائتمان في مصر 
تقدر تسألني أي سؤال عن بطاقات الائتمان ، تفاصيل عن بطاقة بنك معين أو لو تحب أرشحلك أنسب بطاقة تناسب احتياجاتك من اللينك ده https://m.me/SallyCreditCard