الشراء من خلال الإنترنت بقي حاجه منقدرش نستغني عنها لأنها وفرت علينا وقت ومجهود كبير ، مش بس كده ده كمان قصرت المسافات وبقيت تقدر توصل لأي منتج في أي مكان في العالم بدوسة ، وبعد أزمة كورونا ، علامات تجارية كتير قررت تستثمر في التجارة الإلكترونية لأنها المستقبل وبدأت تقفل الأوفلاين ستورز
بس زي ما كل حاجة ليها مميزات ، في كمان عيوب أهمها إن التجربه أحيانا مبتكونش آمنه وممكن تؤدي لسرقة بيانات بطاقاتك البنكية والأرصدة الموجود فيها 💸
عشان كده في المقال ده سالي هتقدملك نصايح تخلي بالك منها وانت بتشتري أونلاين
⭐ الموقع إللي بتشتري منه
- أتآكد إن عنوان الصفحة بيبدأ ببروتوكول التشفير الآمن (https:) بدل من البروتوكول الشائع (http:)
- أتأكد إن الموقع أمان ولازم تلاقي رمز القفل 🔒 في شريط العنوان الخاص بالمتصفح
- يُفضل متستخدمش شبكات (wifi) ❎ في الأماكن العامة وإنت بتشتري أونلاين
⭐ الكريديت كارد
- متعملش حفظ لبيانات البطاقة في المواقع والتطبيقات الغير موثوقة أو اللي قلقان منها
- متشاركش مع حد الرقم السري ⚠️ للكريديت كارد بتاعتك من خلال صفحات التواصل الاجتماعي زي فيس بوك
- متستخدمش رقم سري واحد لكل بطاقاتك البنكية
- خليك حريص إنك تحدث بياناتك عند البنك بشكل منتظم
- ثبت برنامج حمايه 🛡️ علي جهازك وموبايلك عشان التصفح يكون أمان أكتر
- ضروري تراجع كشف حسابك بشكل مستمر وتتأكد إن مفيش أي معاملات غريبه ✅
- بلغ البنك فورا لو لاحظت أي معاملة انت مقومتش بيها حتي لو مبلغ صغير جدا عشان يوقف البطاقة
- غير الرقم السري مره كل 3 شهور علي الأقل ، كمان لما ترجع من السفر
أنا سالي : أول مساعد مالي افتراضي خاص ببطاقات الائتمان في مصر
تقدر تسألني أي سؤال عن بطاقات الائتمان ، تفاصيل عن بطاقة بنك معين أو لو تحب أرشحلك أنسب بطاقة تناسب احتياجاتك من اللينك ده https://m.me/SallyCreditCard
