عمرك سألت نفسك في كل مره بتحول مبلغ علي الكريديت كارد 💳 عشان تسدد بيه المديونية اللي عليك ، البنك بيتعامل معاك ازاي وأولوية السداد بتكون لأيه ؟ 🤔 يعني إنت بتعمل معاملات مختلفة طول الوقت (مشتريات وسحب كاش) وبتسدد المبلغ اللي بيجيلك في كشف الحساب وخلاص 📑 بس هل ياتري العملية دي ليها نظام معين ولا الموضوع بيتم بشكل عشوائي ؟ 🤹♀️
خلينا نتخيل سيناريو مع بعض🗯️
انت النهاردة سحبت من الكريديت كارد بتاعتك 1,000 جنيه 💸 تآني يوم علطول قررت تنزل تسدد المبلغ عشان إنت شاطر وعارف إن الفوايد بتتحسب يوميا ومفيش عليها فترة سماح .. برافو 👏
ولكن الموضوع مش بيمشي كده ❎
لأن اللي بيحصل إن لو كان عليك مديونية مشتريات موجودة في الكريديت كارد (وده الشائع بين معظم المستخدمين) 💁♀️ البنك بيسدد المبلغ اللي دفعته لصالح المشتريات وبيخلي الأولوية ليها مش للسحب الكاش 👀
وهكذا …. أي مبلغ بتحوله علي الكريديت كارد البنك بيسدده في حساب المشتريات 🛍️ والعملية بتفضل تتكرر لحد آخر معاملة مشتريات موجودة … بعدها بيبدأ أي مبلغ داخل بيسدد في خانة معاملات السحب الكاش ✅
وعشان كده #سالي 🤖 بتحذركم طول الوقت بلاش سحب كاش .. غير تكلفة رسوم السحب العالية 🔥 الأخطر هي الفوايد لأنها بتفضل تزيد بشكل مستمر صعب السيطرة عليه 🤦♂️
والأفضل ليك لو بتضطر تسحب كاش هو إنك تعمل محفظة الكترونية 📲 واستغل إن حاليا إصدارها مجانا 🙏
من خلال المحفظة الإلكترونية هتقدر تحول المبلغ اللي محتاجه من الكريديت كارد عليها 🚀 وبعدها ترجع تسحبه من أي ATM 🏃♂️ من غير فوايد علي السحب ، وكمان معاملة شحن المحفظة البنك بيحسبهالك معاملة مشتريات .. يعني ليها فترة سماح ⏰
أنا سالي : أول مساعد مالي افتراضي خاص ببطاقات الائتمان في مصر
تقدر تسألني أي سؤال عن بطاقات الائتمان ، تفاصيل عن بطاقة بنك معين أو لو تحب أرشحلك أنسب بطاقة تناسب احتياجاتك من اللينك
