من أهم الاوقات اللي مفروض تبدأ تفكر فيها بشكل مختلف وتدي اهتمام أكبر لمبدأ التوفير هي أوقات الازمات 😷
وبما إن الفترة دي بقي في فئة كبيرة من الناس بقت بتشتغل من البيت 👩💻 ، أو حتي إللي لسه بيشتغل من مكان العمل ، ف المصاريف بقت أقل عن أسلوب المعيشه قبل الأزمة 👩💼
الأولوية بقت للأساسيات 👌 الخروج بقي أقل 🚷 ، وبالتالي مصاريف كتير قلت زي البنزين والمواصلات ، الاكل من بره ، الشوبينج و الفسح … وغيرهم!
وعشان كده جمعتلك في المقال ده كل اللي محتاج تعرفه عن التحويش 💰
⭐ يعني إيه تحويش ؟
يعني إن جزء من دخلك قابل للصرف 💸 ولكن إنت بتقرر تشيله علي جمب بدل ما تستهلكه
⭐ ليه الناس بتحوش ؟
▪️ عشان رصيد وقت الطواريء لو حصل إنك احتاجت فلوس فجأه ودخلك الشهري مكفاش ⚠️
▪️ عشان تخطط لمستقبل أحسن ليك ولأولادك 👨👩👧👦
▪️ عشان هدف معين عاوز توصله زي انك تحوش لتمن عربيه ، بيت ، لاب توب وهكذا…! 💁♀️
⭐ إيه الطرق اللي تقدر تحوش بيها ؟
وهنا بتتقسم لطرق رسمية 🏦 وطرق تقليديه🏠
📌 الطرق الرسمية :
- الحساب الجاري : وبيكون الإختيار الأمثل للناس إللي عاوزة تحوش من غير فوايد 💸، أو بتعمل حركات سحب وايداع كتيره
- حساب التوفير : لو بتدور علي طريقة تاخد منها عائد % وكمان إنت مبتقومش بحركات كتير ع الحساب بتاعك 🚴♂️ واخيرا عاوز تتجنب مشكلة كسر الشهادة أو الوديعة
- الشهادات : منتج بنكي بيسمحلك تشيل فلوسك لمدة طويله بتوصل ل 10 سنين ⏳ مع عائد كبير ، ولكن بيكون في قيود عشان متسحبش ومنها إنك بتخسر جزء من المبلغ لو قررت تكسرها 💔
- الودائع : نفس فكرة الشهادات ولكن قصيرة الأجل من أسبوع لسنه وبيكون العائد أقل ⬇️
- خطط التقاعد : هي خطط تحويش ولكن طويلة الأجل بتأمن للمعيشه بعد التقاعد “المعاش” 🧓 وهنا في مصر بتتمثل في 3 انظمة
▪️صندوق معاشات موظفي الحكومة
▪️صندوق معاشات العسكريين
▪️صندوق معاشات للعاملين في الشركات العامة والخاصة - خطط التأمين : ودي بتقدمها شركات التأمين عن طريق برامج 📑 ادخار واستثمار مختلفه لحماية الاشخاص و المشروعات ضد المخاطر 🙅♂️
- دفاتر التوفير : بيقدمها البريد ومن أكتر الأسباب لزيادة معادلات التحويش بين الأفراد في مصر 📈 و الأشهر بين باقي الطرق…!
📌 ثانيا الطرق التقليدية :
- الجمعيات : ومخاطرها بتتمثل في مدي التزام باقي الاطراف في السداد 🙎♂️
- التحويش في البيت : وهي طريقة غير آمنه ❎ لأنها بتكون معرضه للسرقه أو الضياع ، كمان الفلوس بتخسر كتير من قيمتها وقوتها الشرائية 🛍️ بسبب التضخم 🗡️
واخيرا بعد اتجاه الدولة الشمول المالي و التعاملات الإلكترونية ✨ بقي في قيود علي ايداع الكاش أو انك تشتري بيه منتجات بنكية زي إللي حصل وقت إصدار شهادات ال 15% مثلا 👉 - شراء الدهب و المجوهرات 👑 : من الأفكار الذكية ولكن إنت برضو لسه جوه دايرة خطر السرقة ، الضياع وطبعا لو سعر الدهب قل 🙃
أنا سالي : أول مساعد مالي افتراضي خاص ببطاقات الائتمان في مصر
تقدر تسألني أي سؤال عن بطاقات الائتمان ، تفاصيل عن بطاقة بنك معين أو لو تحب أرشحلك أنسب بطاقة تناسب احتياجاتك من اللينك ده https://m.me/SallyCreditCard811
