مقال النهاردة هيكون بيتكلم عن الضمانات اللي تقدر تطلع من خلالها كريديت كارد 💳 ولكن عملاء كتير ميعرفوهاش 🤷♂️
من أكتر الضمانات الشائعة هي : ضمان المرتب 💸 أو سجل تجاري
ولكن في ضمانات تانيه تقدر تستخدمها 🤹♂️ وتطلع بيها كريديت كارد زي :
- القروض💰 : لو كنت منتظم في السداد وعدي فترة معينه ⏰ بتختلف من بنك للتاني ، البنك بيسمحلك إنك تطلع كريديت كارد بضمان القرض .
- الشهادات والودائع📑 : وبتقدر تاخد بضمانهم كريديت كارد حدها الإئتماني من ( 80-95)% 💴 من قيمتهم وحتي لو مدتهم قصيرة زي شهادات ال 15% مثلا .
- الكريديت كارد نفسها 👀 : لو عندك كريديت كارد في بنك تقدر تطلع كريديت كارد من بنك تآني بضمانها 👍 واغلب البنوك بتديك نفس الفئة والحد الإئتماني زي اللي في البنك التاني .
- أعضاء نوادي معينه 🏃♂️: بنوك كتير بتكون متعاقده مع نوادي زي نادي الصيد مثلا ، وبتسمح لأعضاء النادي إنهم يطلعوا كريديت كارد من غير أي ضمانات 🚣♂️
- الحسابات البنكية 💶 : العملاء اللي بيتعاملو بقالهم فترة طويلة مع البنك🤝 وتاريخهم الإئتماني كويس ، البنك بيسمحلهم يطلعو كريديت كارد بضمان حسابهم البنكي .
- واخيرا العملاء ال vip 😎: في معظم البنوك يقدرو يطلعوا كريديت كارد من غير أي ضمانات خالص .
الشروط بتختلف من بنك للتاني ولكن الثابت إن يكون ال DBR 📊 للعميل يسمح إنه يطلع كريديت كارد 🌿
- ال DBR أو عبء الدين : هي حسبه 🎰 البنوك بتعملها عشان تشوف هل هتقدر تديلك تسهيل ائتماني (قرض أو كريديت كارد) ولا لا .
- بيتحسب عن طريق : إن مجموع أقساطك الشهرية💰 اللي بتدفعها متكونش بتعدي 50% 👍 من الدخل الشهري بتاعك .
أنا سالي : أول مساعد مالي افتراضي خاص ببطاقات الائتمان في مصر
تقدر تسألني أي سؤال عن بطاقات الائتمان ، تفاصيل عن بطاقة بنك معين أو لو تحب أرشحلك أنسب بطاقة تناسب احتياجاتك من اللينك ده https://m.me/SallyCreditCard
