النهاردة موضوعنا هيكون عن الI-Score 📊
وازاي تقييمك الإئتماني بيتحسب ؟
التقييم بيعتمد علي 5 عوامل 💁♀️ وكل واحد منهم بيمثل نسبة معينه % حسب مدي أهميته وخطورته 👌
نمط مدفوعاتك القديم (35%)
يعني تاريخك الإئتماني والمرات اللي اتعثرت فيها 🙆♂️ واللي طبعا ليها تأثير سلبي علي الأيسكور بتاعك 📉 وبتقلل من فرصك في التقديم علي تسهيل ائتماني جديد زي القرض أو الكريديت كارد 😟
الديون إللي مستحقه عليك (30%)
كل ما حجم الديون اللي عليك زاد 📊 مقارنة بالحدود الإئتمانيه بتاعتك ، كل ما بقيت محطوط في تصنيف إنك عميل مخاطر عاليه 🤺 و احتمالية تعثرك فى السداد بتزيد
مدة التاريخ الإئتماني (15%)
كل ما فترة تعامل العميل مع البنك كانت أقصر ⬇️ ومفيش بيانات كتير ليه متوفره ➖ كل ما كان تقييمه أصعب
الإستعلام الإئتماني (10%)
إن يتعمل عنك استعلام ائتماني كتير ده حاجه مش في صالحك ❎ لأن معناها إنك بتحاول تاخد تسهيلات ائتمانية جديدة يعني بتزود الديون عليك 🏋️♂️
أنواع الإئتمان (10%)
في بعض التسهيلات الإئتمانيه بتديلك رصيد أكتر من إللي محتاجه زي الكريديت كارد 💳 مثلا ، فكل ما زودت النوع ده من الديون كل ده درجة المخاطر بتاعتك زادت ↖️↖️
اعرف أكتر عن الI-score مع سالي من هنا
أنا سالي : أول مساعد مالي افتراضي خاص ببطاقات الائتمان في مصر
تقدر تسألني أي سؤال عن بطاقات الائتمان ، تفاصيل عن بطاقة بنك معين أو لو تحب أرشحلك أنسب بطاقة تناسب احتياجاتك من اللينك ده https://m.me/SallyCreditCard
