دليلك لتفاصيل إلغاء البنك المركزي للقوائم السلبية والسوداء

يوم التلات 7 ابريل البنك المركزي أعلن عن مبادرة جديدة ضمن سلسلة من المبادرات والقرارات من أول ما بدأت أزمة كورونا 😷 عشان يدعم الأفراد و الشركات 💜

⭐ البنك المركزي قرر إنه يلغي القوايم السلبيه للأفراد و القوايم السوداء للشركات كمان رفع حظر التعامل عن العملاء الغير منتظمين في السداد ويقدرو يتعاملو عادي دلوقتي مع البنوك 🏦
ودي حاجه هيستفيد منها حوالي 8,000 شركة واكتر من 100,000 شخص 

⭐ كمان تقليل فترة الإفصاح عن العملاء دول بعد ما يسددو المديونية وبقت الفترة الجديدة من 6 شهور : سنه بعد ما كانت بتوصل لأكتر من 10 سنين
ودي حاجه هيستفيد منها أكتر من 220,000 شخص و 4,000 شركة 

⭐ السؤال اللي كل العملاء بيسألوه دلوقتي مين اللي يقدر يستفيد من القرار ده ؟ .. بس في قبله سؤال مهم !

يعني ايه أصلا Iscore ؟

ال Iscore : ده عبارة عن تقدير بتعمله البنوك 🏦 عشان تشوفك مؤهل تاخد قرض أو بطاقة ائتمان ولا لأ ، واللي بيحدده ” الشركه المصريه للاستعلام الائتمانى i-score” 📊
🧜‍♀️ وببساطة أكتر : إن البنك بيبص علي تاريخك الائتماني وبيشوفه عامل إزاي ؟ هل اخدت قروض قبل كده ؟ ولو أخدت ،كنت بتسدد أقساطك فى مواعيدها ولا كنت متعثر فى السداد وهكذا … 💸 ومهم إن يكون ال Iscore بتاعك دايما كويس عشان تعرف تتعامل مع أي بنك 👉
لو عاوز تعرف أكتر عن الIscore هتلآقى كل اللي محتاجه في اللينك ده :
http://merq.cc/tip

مين العملاء الغير منتظمين وهل كلهم يقدروا يستفيدوا من المبادرة ؟

1. العملاء اللي حصل اعدام للمديونية بتاعتهم ✂️ من غير ابراء ذمة ⬅️ *يعني البنك لسه عاوز منهم الديون دي ومقفلش الملف بتاعهم *
2. عملاء توقفو عن السداد 💸 سواء اللي رفع منهم قضايا علي البنك أو لأ ⬅️ *فترة التوقف عن السداد كل بنك بيحددها بناء علي سياساته *
3. عملاء اجراءات قضائية مرفوعة من البنك عليهم 👨‍⚖️ و الإجراءات القضائية دي بتشمل (رفع دعاوى ، رفع جنح ، إبلاغ نيابة ، طلب استصدار امر حجز تحفظى قضائى ، أمر أداء أو تسجيل تنبيه تزع ملكية .) 
4. عملاء حصل تجاههم اجراءات قضائية بس من جهات خارجية 🌏 وبتشمل (فرض الحراسة على أموال العميل أو منعه من التصرف فى فلوسه ، أو التحفظ على امواله أو صدور أحكام قضائية أعماله ، او صدور احكام بإشهار إفلاسه .) 
5. عملاء التسويات ، والمقصود بالتسوية ⬅️ ( ده تفاوض البنك بيعملة مع العميل ، البنك بيتنازل عن جزء من مستحقاته اللي بتشمل الفوايد والعمولات ) 
6. عملاء صفوا اعمالهم ومسددوش المديونية ونتج عن ده خساير للبنك 
7. عملاء صفوا أعمالهم ومسددوش المديونية ومحصلش عنها خساير للبنك
8. عملاء الجدولة ، والمقصود بالجدولة (ان البنك يعيد النظر في مديونية العميل ويديلة مهلة جديدة) في حالة ان التاخير في السداد كان سبب خارج عن ارادته مع عدم تنازل البنك عن اي مبلغ من المديونية 👌
9. العملاء اللي رفعو دعاوي صلح مع البنك بهدف عدم الإفلاس – والمحكمة اعتمدت الاتفاق ده سواء تسوية أو جدولة ✅

• العملاء من الفئة 6:1 هيتم الغاءهم من القوائم السوداء والغاء حظر التعامل معاهم ☑️
• أما بالنسبة لقواعد الإفصاح أو الملف الخاص بالعملاء دول في البنك المركزي 🏦 ف هيفضل بالتصنيف القديم لحد لما العميل يسدد 🔖 وبعد السداد هيتم حذف تاريخهم كعملاء غير منتظمين وهنا هيتقسمو لفترتين : 6 شهور و سنة حسب الفئة 👨‍👩‍👦‍👦

📌 الفئات اللي هيتم حذف بياناتهم بعد سنة في حالة السداد هما :

1. عملاء التسوية
2. العملاء اللي صفوا اعمالهم ونتج عن التصفية دي خساير للبنك
3. العملاء اللي عملوا صلح مع البنك بس البنك مخدتش المديونية كاملة منهم

📌 الفئات اللي هيتم حذف بياناتهم بعد 6 شهور في حالة السداد هما :

1. العملاء اللي صفوا اعمالهم ومحصلش بسبب التصفية دي خساير للبنك
2. العملاء اللي البنك جدول ديونهم
3. العملاء اللي عملوا صُلح مع البنك *وسدد المديونية كاملة*

1. عملاء حصل إعدام لمديونيتهم من غير إبراء زمة من البنك 🏦
2. عملاء توقفو عن السداد وعدو فترة السماح 
   📍 والنوعين دول شرط إن تكون مدة توقفهم عن السداد عدت 180 يوم من تاريخ استحقاق المديونية 💸
3. عملاء اجراءات قضائية مرفوعة ضدهم من البنك
4. عِملاء اجراءات قضائية مرفوعة ضدهم من جهات خارجية 🌏
5. عملاء التسوية
6. عملاء الجدولة
7. عملاء سددوا المديونية كاملة لكنهم دفعوا بعد تاريخ الاستحقاق أو فترة السماح

بالنسبة للحظر فهيتم إلغاءه عن العملاء رقم 3,4,5 أما العملاء 1,2 هيفضل عليهم حظر تعامل

الشركة هتسيب بيانات العملاء زي ما هي كعملاء غير منتظمين لحد لما يقرروا السداد 🔖
وبعد السداد هيتم حذف تاريخهم كعملاء غير منتظمين وهنا هيتقسمو لفترتين : 6 شهور و سنة حسب الفئة 👨‍👩‍👦‍👦

📌 الفئات اللي هيتم حذف بياناتهم بعد 6 شهور في حالة السداد هما :

• عملاء الجدولة
• العملاء اللي سددو المديونية كاملة ولكن بعد تاريخ الاستحقاق

📌 الفئات اللي هيتم حذف بياناتهم بعد سنة في حالة السداد هما :

• فئة عملاء التسوية

مين مش هيقدر يستفيد من المبادرة ؟

• بعض الفئات اللي اتقالت في المقال
• العملاء المستفيدين من مبادرة البنك المركزي اللي صدرت بتاريخ 16 مارس وتقدر تعرف عنها أكتر من اللينك ده :
  http://merq.cc/cbemar

أنا سالي : أول مساعد مالي افتراضي خاص ببطاقات الائتمان في مصر 
تقدر تسألني أي سؤال عن بطاقات الائتمان ، تفاصيل عن بطاقة بنك معين أو لو تحب أرشحلك أنسب بطاقة تناسب احتياجاتك من اللينك ده
https://m.me/SallyCreditCard12