بعد اتجاه الدولة انها تقلل استخدام الكاش والعملات الورقية وتستبدلهم بمعاملات الكترونية عن طريق الكروت البنكية، من أكتر الكروت البنكية شهرة هي بطاقة الائتمان أو الكريديت كارد
وعشان كدة في المقال ده سالي هتقولك ليه الكريديت كارد هي أكتر حد بيحبك
١- وقت زنقتك مستعدة تضحي عشانك بكل فلوسها لحد 4 اضعاف مرتبك
# الكرديت كارد بتديك حاجة اسمها حد ائتماني “Credit Limit ” وهو الرصيد المتاح ليك استخدامه من بطاقتك وبيتراوح من 3 : 4 أضعاف مرتبك
٢- معاها تقدر تلف العالم كله من مكانك و تعمل شوبينج لماركاتك المفضلة
# الكريديت كارد وسيلة دفع معترف بيها في العالم كله على عكس الكاش ، فهتلاقي مواقع تسوق كتير مفيهاش أوبشن الدفع النقدي “Cash On Delivery ”
٣ – قلبها عليك دايما ف بتحولك كل مصاريفك لنقط تقدر تبدلهم بالحاجة اللي تحبها
# من أهم مميزات الكريديت كارد هي برامج المكافآت “Rewards ” وهي عبارة عن نظام بيحول كل مشترياتك لنقط تقدر تبدلها لما توصل لرقم معين من شبكة المتاجر المتعاقدة مع البنك بالمنتج اللي تفضله
٤- واسطة جامدة تدخلك صالات انتظار مطارات كتير في العالم ببلاش
# لو متعرفش بس انت لو معاك كريديت كارد سواء فيزا أو ماستركارد فئات معينة بتقدر تدخل استراحات المطار المخصصة لرجال الأعمال والدرجة الأولى “Lounges ” ببلاش حتي لو انت مسافر ايكونومي
٥- بتفكرلك لقدام فبتساعدك تبني تاريخ ائتماني كويس
# لو في يوم فكرت تاخد قرض أو تشتري شقة ضمن المبادرات اللي بتقدمها الدولة ، بيتعمل عنك حاجة اسمها استعلام ائتماني واللي بيها بيعرفو تاريخك مع البنوك عامل ازاي من حيث السداد وهل انت شخص موثوق ولا لأ ، الكريديت كارد من أسهل الطرق اللي ممكن تساعدك تبني تاريخ ائتماني كويس لو انت ملتزم بالسداد
٦- طول ما هي معاك محدش يقدر يقرب من فلوسك ويسرقك
لو حصل في يوم واتعرضت للسرقة ، بتتصل بالبنك وبيوقفها في الحال وبالنسبة للحرامي بقت عبارة عن قطعة بلاستيكية ملهاش أي قيمة مش هيقدر يستخدمها ، على عكس الكاش طبعا
٧- فلوسك معاها بتزيد مبتقلش
من ضمن برامج المكافآت اللي بتقدمها البنوك حاجة اسمها الكاش باك ، وهو عبارة عن نظام بيردلك جزء من فلوسك اللي صرفتها بنسبة معينه بس المرادي في شكل فلوس مش نقط
٨- بتعلمك تراقب مصاريفك وتتحكم فيها من خلال كشف الحساب والأونلاين بانكنج
معظمنا بيعانى من نقطة اننا مبنعرفش فلوسنا راحت فين وامتي صرفنا كل ده ولكن الكرديت كارد بتقدملك انظمة كتير تقدر تتبع بيها مصاريفك عن طريق موبايل أبلكيشن ، رسائل نصية فورية وكشف حساب كل شهر
٩- دايما بتشجعك تخلي علاقتك أحسن مع القريبين منك عشان كده عملتلك بطاقات فرعية
من الأوبشنز اللطيفة اللي بتلاقيها في الكرديت كارد انك تقدر تطلع بطاقات فرعية ” Supplementary cards” علي بطاقتك للناس اللى بتحبهم – شرط يكونوا أقارب من الدرجة الأولي – يقدروا يستخدموا نفس استخدام البطاقة الأساسية وبتتحكم في الرصيد المسموح ليهم وكمان بيوصلك اشعارات بأي عملية بيقوموا بيها
١٠- بتصبر عليك تسدد براحتك لحد 57 يوم وممكن تقسطلك كمان
# اتفقنا ان البنك بيسمحلك بحد ائتماني معين للكريدت كارد بتاعتك تصرف منه زي ما تحب مقابل انك بتسدد اللي صرفته خلال فترة معينة قبل ما يفرض عليك فوايد بنسميها فترة السماح واللي بتتراوح ما بين “53 :57” يوم كمان لو مش قادر تسدد المبلغ كامل تقدر تسدد 5% بس كل شهر أو تطلب من البنك يقسطلك وأوقات كتير هتلاقي برامج تقسيط من غير أي فوائد
أنا سالي : أول مساعد مالي افتراضي خاص ببطاقات الائتمان في مصر
تقدر تسألني أي سؤال عن بطاقات الائتمان ، تفاصيل عن بطاقة بنك معين أو لو تحب أرشحلك أنسب بطاقة تناسب احتياجاتك من اللينك ده
https://m.me/SallyCreditCard
