البطاقات اللاتلامسية – Contactless Cards

الفترة اللي فاتت انتشر اسم البطاقات اللاتلامسية خصوصا بعد اذمة كورونا وقرارات البنك المركزي المرتبطة بيها

في المقال ده هتلاقي كل المعلومات اللى محتاج تعرفها واجابات لكل الأسئلة اللى ممكن تدور في دماغك

•  تقدر تشوفها باسم : البطاقات اللاتلامسية ، بطاقات الدفع عن بُعد أو Contactless cards 👌
• بالإضافة إن الخاصية اللاتلامسية مش مقتصرة علي نوع معين من البطاقات البنكية 🏦 : فهى موجودة في بطاقات الإئتمان ، بطاقات الخصم المباشر والبطاقات المدفوعة مقدما

 إيه هي مميزات البطاقات اللاتلامسية ؟

1. محدش هيلمس البطاقة غيرك عشان كدة هي خطوة وقائية مهمة جدا ✔️
2. أسرع وأنجز في الوقت لأنك مش بتحتاج تدخل الباسورد إلا لو العملية الواحدة عدت 600 جنية 💸
3. أمان أكتر من البطاقات العادية

هل البطاقات اللاتلامسية امان ؟ 👀

1. لازم يكون المسافة بين البطاقة وبين الماكينة وانت بتدفع (4سم أو أقل) ، عشان لو بتفكر إن ممكن حد يسحب فلوس من بطاقتك وهي في جيبك متقلقش 
2. البنك بيبعتلك رسالة أول ما أي معاملة بتحصل بيها ✔️
3.  البطاقة بتعمل تشفير لحظي لبيانات كل معاملة لاتلامسية بتحصل، بالإضافة كمان إنها بتكون رمزجديد مع كل عملية والرمز ده صالح للاستخدام مرة وآحده بس 

إيه هي حدود التعامل والسحب ؟

• الحد اليومي: 30,000
• الحد الشهري: 100,000

الأرقام دي بتعتبر عن المعاملات اللي تقدر تقوم بيها بشكل عام سواء تشتري أو تحول وهكذا.. ولكن لو هتسحب من ال ATM : أقصي مبلغ تقدر تسحبه هو 5,000 💸

Sally

 ازاي استخدم البطاقات اللاتلامسية ؟

1. اتأكد من وجود علامة قبول المعاملات اللاتلامسية
2. عدي البطاقة فوق ماكينة الدفع من غير ما تلمسها
3. هتظهرلك علامة ان العملية نجحت والماكينة هتطلع صوت 🎶

لو الماكينة مفيهاش علامة قبول المعاملات اللاتلامسية ، تقدر تستخدم بطاقتك للدفع عن بُعد عادي ولكن لازم تدخلها في الماكينة 

Sally

ازاي يبقي معايا بطاقة لا تلامسية ؟

• لو معاك بطاقة بنكية عادية :
  في الحالة دي هتصل بخدمة عملاء بنكك 📞 وبتطلب استبدال بطاقتك العادية ببطاقة لاتلامسية وده بيتم بشكل مجاني
• لو مش معاك أي بطاقة بنكية :
  في الحالة دي بتشوف انت حابب تطلع بطاقة نوعها إيه ( بطاقة ائتمان ، بطاقة خصم مباشر أو بطاقة مدفوعة مقدما)

وعشان لو متعرفش : دلوقتي اصدار البطاقات اللاتلامسية المدفوعة مقدما بقي مجانا لمدة 6 شهور بقرار من البنك المركزي وكل اللي محتاجه عشان تطلعها هي بطاقتك الشخصية بس 

Sally

أما لو عاوز تعرف معلومات عن بطاقات الإئتمان اللاتلامسية والبنوك اللي بتقدمها ، هتلاقي في اللينك ده كل إللي محتاج تعرفه
Sally Credit Card

Sally

 ازاي اعرف ان بطاقتي لاتلامسية ولا عادية ؟

دور علي العلامة دي لو موجودة يبقي بطاقتك بتدعم الخاصية اللاتلامسية 

بفكرك : زمان استخدام الخدمات الإلكترونية كانت خطوة من ضمن الرفاهيات بتسهل معاملاتك وبتنجزها بشكل أسرع 🚀 بس دلوقتي هي خطوة وقائية بتحمي حياتك وحياة غيرك 

Sally

أنا سالي : أول مساعد مالي افتراضي خاص ببطاقات الائتمان في مصر 
تقدر تسألني أي سؤال عن بطاقات الائتمان ، تفاصيل عن بطاقة بنك معين أو لو تحب أرشحلك أنسب بطاقة تناسب احتياجاتك من اللينك ده
https://m.me/SallyCreditCard