إزاي تقلل استخدامك للكاش وتحمي نفسك من الكورونا

بعد ما زادت التوعية عن أهم أسباب انتشار الفيروس😷، كانت الفلوس الكاش 💸 في مقدمة الأسباب دي وده بسبب سرعة انتشارها وانها بتعدي ايادي كتير.

في خلال الفترة دي ، ظهر منتجين بنكيين 🏦 علي الساحة مكنوش واخدين اهتمام كبير من المستخدمين قبل كده وهما:
” المحافظ الإلكترونية 📲 والبطاقات اللاتلامسية 👋”

وده حصل بسبب إنهم يعتبرو من اسهل الطرق بالنسبالك كشخص عادي- ليه تعامل مع البنوك أو ملوش- 🙋‍♂️ عشان يبدأ يحول معاملاته الماليه لمعاملات الكترونية ببلاش ومن غير اوراق كتير ✌️.

عشان كدة أعلن البنك المركزي إن دلوقتي تقدر تعمل محفظة الكترونية أو بطاقة لاتلامسية مدفوعة مقدما مجانا لمدة ٦ شهور 

في المقال ده هعرفك علي المحافظ الإلكترونية 📲 والبطاقات اللاتلامسية 👋 بالتفاصيل وهجاوبك علي كل اسئلتك المتعلقة بيهم.

المحفظة الاكترونية

ايه هي المحفظة الالكترونية؟

هي عبارة عن محفظة للبنك بس علي موبايلك (ابلكيشن) بتقدملك مجموعة متنوعة من خدمات الدفع تسهل عليكي معاملاتك المالية اليومية :

1. تحويل واستقبال فلوس من أي مكان ف مصر 🇪🇬 في أقل من دقايق.
   
2. دفع فواتير 🧾 كتير زي ( النت – الغاز – الكهربا وكمان المايه ).
   
3. شحن رصيد موبايلك 📲.
   
4. خدمات المرور 🚦 (تجديد رخصة العربية ، دفع الضرايب، التأمين الاجباري ، والمخالفات كمان).
   
5. سحب كاش من أي ماكينة ATM أو مقدمي الخدمة زي فوري.
   
6. الشراء أونلاين.
   
7. دفع التبرعات ، الاشتراكات وأقساط التأمين 👍.
   
8. حجز تذاكر السفر ✈ والسينمات و حجز قطارات.
   
9. كمان المحافظ اللي بتقدم خدمات فوري بشكل عام ممكن من خلالها تدفع مصاريف بعض شركات التأمين ومنهم (مصر للتأمين )💰.

أول حاجة لازم تشحن المحفظة بتاعتك بالمبلغ اللي انت عاوزه بأي طريقة من طرق الشحن اللي بنكك 🏦 موفرهالك اللي هما:

• البطاقات البنكيه مثلا زي الكريديت كارد أو بطاقة المرتب 💳
• ماكينات الـصراف الآلي 🏧
• مقدمي الخدمة زي فوري.
• أو ممكن كمان ان حد يحولك فلوس من محفظته لمحفظتك📩

بعد كده تقدر تستخدمها زي ما انت عاوز 🥰 تحول فلوس، تدفعي فواتير أو تشتري أونلاين ✨.

تقدر تسآل لارا أختي ( أول مساعد مالي افتراضي في مصر للمحافظ الالكترونية أو E-Wallets ) عن اي سؤال ليه علاقة بالمحافظ الالكترونية في مصر من هنا 👇

إســـأل لارا

البطاقات اللاتلامسية

ايه هي البطاقات اللاتلامسية ؟

هي بطاقات بنكية 💳 بتسمحلك بالدفع عن بُعد من غير ما تدخل بطاقتك في ماكينة ال POS اللي بتكون عند الكاشير🙋‍♂️ ، كمان من غير ما تدخل الباسورد مجرد بس انك تمررها من قدام الجهاز، عملية الدفع بتكون تمت ✅

•  تقدر تشوفها باسم : البطاقات اللاتلامسية ، بطاقات الدفع عن بُعد أو Contactless cards 👌
•  بالإضافة إن الخاصية اللاتلامسية مش مقتصرة علي نوع معين من البطاقات البنكية 🏦 : فهى موجودة في بطاقات الإئتمان ، بطاقات الخصم المباشر والبطاقات المدفوعة مقدما

 إيه هي مميزات البطاقات اللاتلامسية ؟

• محدش هيلمس البطاقة غيرك عشان كدة هي خطوة وقائية مهمة جدا ✔️
• أسرع وأنجز في الوقت لأنك مش بتحتاج تدخل الباسورد إلا لو العملية الواحدة عدت 600 جنية 💸
• أمان أكتر من البطاقات العادية

هل البطاقات اللاتلامسية امان ؟ 👀

• البطاقات آمنة جدا وتعتبر احتياطات الآمان فيها أعلي من البطاقات العادية👍 بس خليني اطمنك أكتر بشوية معلومات
•  لازم يكون المسافة بين البطاقة وبين الماكينة وانت بتدفع (4سم أو أقل) ، عشان لو بتفكر إن ممكن حد يسحب فلوس من بطاقتك وهي في جيبك #متقلقش 🥰
• البنك بيبعتلك رسالة أول ما أي معاملة بتحصل بيها
•  البطاقة بتعمل تشفير لحظي لبيانات كل معاملة لاتلامسية بتحصل، بالإصافة كمان إنها بتكون رمزجديد مع كل عملية والرمز ده صالح للاستخدام مرة وآحده بس 👋

 إيه هي حدود التعامل والسحب ؟

حدود التعامل زيها زي البطاقات العادية اللي بعد قرار البنك المركزي بقت 💪

الحد اليومي: 30,000

الحد الشهري: 100,000

البنك المركزي

وعشان لو متعرفش، فالأرقام دي بتعتبر عن المعاملات اللي تقدر تقوم بيها بشكل عام سواء تشتري أو تحول وهكذا.. ولكن لو هتسحب من ال atm : أقصي مبلغ تقدر تسحبه هو 5,000 💸

 ازاي استخدم البطاقات اللاتلامسية ؟

الموضوع بسيط جدا :
▪️اتأكد من وجود علامة قبول المعاملات اللاتلامسية “شبه علامة ال WiFi
▪️عدي البطاقة فوق ماكينة الدفع من غير ما تلمسها 👋
▪️هتظهرلك علامة ان العملية نجحت والماكينة هتطلع صوت 🎶
⬅️ ملحوظة : لو الماكينة مفيهاش علامة قبول المعاملات اللاتلامسية ، تقدر تستخدم بطاقتك للدفع عن بعد عادي ولكن لازم تدخلها في الماكينة 👉

 ازاي يبقي معايا بطاقة لا تلامسية ؟

في احتمالين :
🔸لو معاك بطاقة بنكية عادية :
في الحالة دي هتصل بخدمة عملاء بنكك 📞 وبتطلب استبدال بطاقتك العادية ببطاقة لاتلامسية وده بيتم بشكل مجاني.
🔸لو مش معاك أي بطاقة بنكية :
في الحالة دي بتشوف انت حابب تطلع بطاقة نوعها إيه ( بطاقة ائتمان ، بطاقة خصم مباشر أو بطاقة مدفوعة مقدما زي بطاقة ميزة )

لو عاوز تعرف معلومات عن بطاقات الإئتمان اللاتلامسية والبنوك اللي بتقدمها ، تقدر تسألني من هنا: 👇

إســـأل سالي

 ازاي اعرف ان بطاقتي لاتلامسية ولا عادية ؟

دور علي علامة زي ال wifi لو موجودة يبقي بطاقتك بتدعم الخاصية اللاتلامسية زي الصورة اللي تحت:

بفكرك : زمان استخدام الخدمات الإلكترونية كانت خطوة من ضمن الرفاهيات بتسهل معاملاتك وبتنجزها بشكل أسرع..  بس دلوقتي هي خطوة وقائية بتحمي حياتك وحياة غيرك 🙏

أنا سالي : أول مساعد مالي افتراضي خاص ببطاقات الائتمان في مصر 
تقدر تسألني أي سؤال عن بطاقات الائتمان ، تفاصيل عن بطاقة بنك معين أو لو تحب أرشحلك أنسب بطاقة تناسب احتياجاتك من اللينك ده
https://m.me/SallyCreditCard