الـ I Score أو درجة الائتمان :
ده تقدير بتعمله البنوك عشان تشوف صلاحية أو أهلية الشخص انه ياخد قروض او بطاقة ائتمان.
وده بيتم عن طريق دراسة سجلات الائتمان السابقة للشخص ده ازاي هو التزم بالسداد في المواعيد ولا لأ، و هل هو أتأخر كام مره في الدفع و كمان المبلغ ده قد ايه✍💰
ازاي احسن ال I score بتاعي؟
أنا هكتبلك شويه نصايح عشان التقرير الائتماني بتاعك يبقي تمام👌😎
✅ انك تنتظم في سداد الاقساط من غير تأخير🚫
✅ لازم تاخد بالك لو عندك اى حساب مفتوح فى اى بنك قديم بقاله فتره .. ماتسبهوش لازم تروح تشوف عليه رسوم كام وتقفله
✅ ولو عندك قرض قديم او اى اقساط لازم تسددها💰
✅ حتى لو عندك مديونيه فاتوره موبايل لازم تدفعها📱
✅ ابعد عن مبدأ سداد الحد الأدنى (نسبة 5%)، لأن الفوائد المتراكمة بتخليك عاجز تدفع بعدين.
✅ أربط البطاقة الإئتمانية بحسابك البنكي، عشان تسدد المبلغ اللي عليك في بطاقة الائتمان أوتوماتيكياً كل شهر، وتتجنبي مشكلة النسيان
📣 ماتنساش أن المبلغ المتاح في البطاقة الإئتمانية هو دين (قرض) قصير لازم تسدده قبل إنتهاء فترة السماح
طب تعملي ايه لو انت في البلاك ليست؟
لو في حالة وجود مديونية عليك بتتم تسديدها، وتاخد مخالصة بهذه المديونية📄 و بعد كده تروح للشركة المصرية للاستعلام الائتماني في قطاع الرقابة و الأشراف و تسلمهم المخالصه دي.
و عشان اسمك يتشال من القوائم السلبية بياخد من 30 الي 45 يوم ✌
ازاي تعرف ال I score بتاعك؟
عشان تسأل عن التقرير الائتماني بتاعك 📄🤗
ممكن من الموقع الالكتروني للبنك بس في بنوك معينة هي اللي بتوفر الخدمة دي زي مثلا:
- الشركة المصرية للاستعلام الائتمانى I SCORE
- بنك بلوم مصر
- بنك الامارات دبى الوطنى
- بنك عودة
- بنك الاتحاد الوطنى مصر
- البنك العربى
- بنك الشركة المصرفية العربية
- بنك التعمير والاسكان
- بنك المؤسسة العربية المصرفية
- البنك الوطنى اليونانى
او ممكن تروح البنك و تسأل علي التقرير بتاعك.
أنا سالي : أول مساعد مالي افتراضي خاص ببطاقات الائتمان في مصر
تقدر تسألني أي سؤال عن بطاقات الائتمان ، تفاصيل عن بطاقة بنك معين أو لو تحب أرشحلك أنسب بطاقة تناسب احتياجاتك من اللينك ده
https://m.me/SallyCreditCard
