ايه هي فيزا المشتريات؟
اولا هي بيطلق عليها اسامي كتير زي كريديت كارد / بطاقة ائتمان / فيزا المشتريات وكلهم نفس الحاجة. هستخدم في المقال هنا مصطلح بطاقة ائتمان.
بطاقة الائتمان دي بطاقة بتستخدميها في الشراء أو الدفع 🛒🛍 حتى لو مكنش عندك رصيد في حسابك البنكي.🏦
أهم ميزة فيها أنك بتشتري دلوقتي وتدفع بعد مدة تتراوح بين 53 – 58 يوم بدون أي فائدة
وبطاقة الائتمان مفيدة جدا لانك مبضطريش تشيل فلوس كاش في جيبك كتير وبتوفرلك فرص انك تشتري اللي عايزه دلوقتي وتدفع بعدين 😁
طب ايه اللي هيحصل لو اتآخرت في السداد للبنك خلال المدة المحددة دي؟ 🤔
في الحالة دي بيتم تطبيق فائدة ⭕ على المبلغ اللي انت استخدمته في مشترياتك . وفي العادة بيتراوح من 2 – 2.5% كمتوسط
ولو ماسدتش المبلغ اللي عليك لمده 5 شهور متصلة هتتحط في قوائم السلبيه🙄🙆♀
الضمانات المطلوبة
عشان تعمل بطاقة ائتمان في أكتر من طريقة للضمانات: 👇
1) مضمنة
دي بطاقة ائتمان عشان تعملها لازم يكون في ضمان للبنك زي مثلا وديعة أو شهادة 🎫
2) الغير مضمنة
ودي بتكون بضمان المرتب بتاعك لو أنت موظف وفي الأغلب بتاخد 3 أضعاف مرتبك كحد ائتماني 💸
وممكن لو معاك سجل تجاري تعملي بطاقة ائتمان من خلاله
فترة السماح
فترة السماح دي المدة اللي تقدر تدفع فيها الفلوس المستحقة عليك قبل ما يتطبق عليك فائدة او غرامة تآخير.
وفترة السماح ببتراوح من 52 – 57 يوم حسب نوع البطاقة والفترة دي مش بتبدأ من اول عملية شراء لا دي بتبدأ من تاني يوم تاريخ تقفيل كشف الحساب و كل بنك بيحدد اليوم ده وغالبا بتكون يوم 1 في الشهر.
الحد الائتماني
الحد الائتماني ده الحد الأقصى لمبلغ الائتمان اللي هيدهولك البنك (الي بتقدر تستخدمه شهريا من خلال بطاقة الائتمان) وده بيتحدد بناء على ال i score بتاعك 📈
فمثلا لو البنك قالك ان الحد الائتماني لبطاقتك هو 10,000 جنيه يبقي ده أقصي مبلغ تقدر تستخدمه من بطاقة ائتمانك 😊
سعر الفائدة
سعر الفائدة ده نسبة بتتطبق على مشترياتك او السحب النقدي في حالة التآخر في السداد ⏲
في حالة المشتريات 🛒
بيتم تطبيق نسبة الفائدة بعد مرور فترة السماح لو ماسددتش الفلوس المستحقة وفي الغالب الفترة دي بتكون من 52 – 58 يوم
أما في حالة السحب الكاش 🏧
بيتم تطبيق الفائدة على طول من تاني يوم السحب في معظم البنوك
والفائدة بتتحسب شهريا .. مثلا بنك فائدة بتاعته 1.83% كل شهر .. فلو اشتريتي في الشهر ب 1,000 جنيه هيتحسبو 1,018.3 جنية لو مسسدتهمش خلال فترة السماح
المصاريف السنوية
الرسوم السنوية دي رسوم بتتخصم من بطاقة الائتمان بتاعتك مرة كل سنة مقابل مزايا وخدمات و جزء منها بيكون مصاريف ادارية سنوية وبتتراوح من 30- 3000 جنيه حسب نوع البطاقة 💳.
أنا سالي : أول مساعد مالي افتراضي خاص ببطاقات الائتمان في مصر
تقدر تسألني أي سؤال عن بطاقات الائتمان ، تفاصيل عن بطاقة بنك معين أو لو تحب أرشحلك أنسب بطاقة تناسب احتياجاتك من اللينك ده
https://m.me/SallyCreditCard
