ايه هو الشمول المالي؟
الشمول المالي هو ان كل فرد في المجتمع 👩👨 يلاقي منتجات مالية مناسبة لاحتياجاته والمنتجات البنكية دي زي:
- بطاقات الائتمان 💳
- الحسابات الجارية والتوفير 📈
- الشهادات والودائع 🎫
- خدمات الدفع والتحويل 📠
- التأمين
- التمويل 💰
- وغيرها من المنتجات والخدمات المالية المختلفة
المنتجات دي لازم تتقدم من خلال القنوات الشرعية، زي البنوك أوهيئة البريد أوالجمعيات الاهلية 🏦
وكمان لازم تبقى أسعارها مناسبة للجميع ويكون سهل الحصول عليها وتراعي حماية حقوق المستهلك 😊. كل ده عشان نضمن ان كل فئات المجتمع يبقي عندهم فرص مناسبة لإدارة أموالهم ومدخراتهم بشكل سليم وآمن 👌
أهميه الشمول المالي
اهميه الشمول المالي انه سبب رئيسي للنمو الاقتصادي للدولة عشان نعيش في استقرار مالي🤗
ازاي ؟🤔
عشان الحالة الاقتصادية للدولة عمرها ما هتتحسن طول ما فيه عدد كبير من الافراد والمؤسسات مستبعدين ماليا من القطاع المالي الرسمي🚫🚫🚫
كمان الشمول المالي بيضمن ان المؤسسات المالية تطور منتجاتها وكمان يتنافسوا مع بعض عشان يقدموا منتجات مالية ارخص واسهل وتراعي مصلحة المستهلك 🤝
وكمان بيضمن ان كل الفئات تلاقي منتجات مالية مناسبة لاحتياجاتهم وظروفهم وده يؤدى لارتفاع مستوي المعيشة وبالتالي خفض معدلات الفقر وتحقيق النمو الاقتصادي للافراد وللدولة🤗✊
✅ المنتجات دي لازم تتقدم من خلال القنوات الشرعية، زي البنوك وهيئة البريد والجمعيات الاهلية وغيرهم، وكمان لازم تبقى أسعارها مناسبة للجميع ويكون سهل الحصول عليها وتراعي حماية حقوق المستهلك💯
كل ده عشان نضمن ان كل فئات المجتمع يبقي عندهم فرص مناسبة لإدارة أموالهم ومدخراتهم بشكل سليم وآمن 👌
ازاي نحقق الشمول المالي
عشان اى دولة تحقق الشمول المالي ✊💰
لازم اولا ☝ يتعمل دراسة عشان نعرف الخدمات المالية الموجودة مناسبة ولا لأ والمستهلك عايز اية من الخدمات المالية المختلفة 🛍🍲 ودي اول خطوة عشان الدولة تقدر تحط اهداف ترفع بيها مستوي الشمول المالي وده هيتطلب مشاركة جهات كتير في الدولة.وحماية المستهلك مهمة جدا في الحالة دي عشان نزود ثقة الشعب في القطاع المصرفي والمالي
وده بيتم عن طريق:
- حصول العميل علي معاملة عادلة وشفافة وعلي الخدمات والمنتجات المالية بكل سهولة وبتكلفة مناسبة👌
- 📄تزويد العميل بكل المعلومات اللازمة في كل مراحل تعامله مع مقدمي الخدمات المالية
- 👩⚖👨⚖توفير خدمات استشارية اذا احتاج العميل
- الاهتمام بشكاوي العملاء والتعامل معها بكل حيادية🙍♂🙍♀
🏢🏬 ومهم أوى برضه تطوير خدمات ومنتجات مالية جديدة تعتمد على الادخار والتأمين ووسائل الدفع مش بس على الاقراض والتمويل لتلبية احتياجات كل فئات المجتمع
ولازم الدولة كمان تهتم بموضوع التثقيف والتوعية المالية وده مش حيتحقق الا بالتعاون مع جهات حكوميه 👌.
أنا سالي : أول مساعد مالي افتراضي خاص ببطاقات الائتمان في مصر
تقدر تسألني أي سؤال عن بطاقات الائتمان ، تفاصيل عن بطاقة بنك معين أو لو تحب أرشحلك أنسب بطاقة تناسب احتياجاتك من اللينك ده
https://m.me/SallyCreditCard
